Mér finnast fiskikássur góðar og hér er góð uppskrift frá Kristjáni Rafni Heiðarssyni sem starfaði lengi í Svíþjóð. Þessi kássa er dæmigerður sænskur matur, hefur milt en samt mikið bragð. Eins og aðrar kássur verður hún betri með tímanum.
Sænsk fiskigrýta
- 6-800 gr fiskur að eigin vali. Gott að hafa a.m.k. 3 tegundir. Skorið í bita.
- 1 gulur laukur, saxaður
- ½ blaðlaukur, sneiddur
- 4-6 rif hvítlaukur, maukaður
- 1 dós (400 gr) tómatar+safi
- 100 gr smjör
- 2-3 dl fisksoð (vatn + fiskteningur)
- 1-2 dl hvítvín
- 2-3 dl rjómi
- Saffran, milli fingra
- ½ tsk turmerick
- salt
- pipar
- fiskikraftur
- sósujafnari
- steinselja
Laukur, blaðlaukur og hvítlaukur látinn krauma í smjörinu. Hvítvíni, tómötum og fisksoði bætt út í, ásamt saffran og turmerick. Sjóðið rólega í nokkrar mínútur. Rjóma bætt út í og sósan þykkt með sósujafnaranum. Suðan látin koma upp og bragðbætt með salti, pipar og fiskikrafti. Setjið fiskbitana út í og hrærið varlega saman. Sjóðið við lágan hita þar til fiskurinn er soðinn.
Skreytið með steinselju og berið fram með hrísgrjónum og fersku brauði.
Binnubúr 