Ingvar, maðurinn hennar Ástu Sölva í Klifinu ku vera góður kokkur. Hann sagði einhvern tímann þegar verið var að ræða hvernig best væri að steikja túnfisk að það ætti bara að ganga með steikina framhjá grillinu – allt umfram það væri ofsteiking. Vel eldaður (þ.e. lítið eldaður) túnfiskur er eitt það besta sem ég hef borðað. Mjög góðan túnfisk fékk ég til dæmis á Cheesecake Factory í Boston en þar var fiskurinn borinn fram í wasabi kryddi. Einfaldari uppskrift fann ég einhvern tímann í Fréttablaðinu og hún er birt hér.
Túnfisksteik
- Túnfisk steikur
- salt og pipar
- sítrónu- eða límónusafi
- olía til steikingar
Hitið vel olíu á pönnu og snöggsteikið túnfiskinn þannig að miðjan haldist bleik. Einnig er gott að grilla hann. Saltið og piprið og dreypið yfir fistkinn sítónu- eða límónusafa.
Steikina er gott að bera fram með spaghettí eða kartöflugratín. Og góðu salati.
Binnubúr 