Rifsberjahlaup

Rifsberjahlaup er ljúffengt á ristað brauð, með osti, eða jólasteik. Það er líka gott að bæta því út í sósur með lambakjöti, sérstaklega ef sósan er á leið að verða of sölt. Hér set ég einfalda grunn uppskrift sem ég fann á netinu. Á öðrum stað sá ég uppskrift þar sem berin voru soðin niður með mintulaufi. Ég hef prófað að bæta þeim í og það er líka ljúffengt. Lesa meira

Auglýsingar

Kjúklingasalat með ávöxtum

Kjúklingasalat með ávöxtumSilli minn er mikill kjötmaður og finnst ekki merkilegt þegar ég ber fram salat í kvöldmat. En hann var mjög ánægður með þetta salat og kallaði það „besta kjúklingasalat sem ég hef fengið“. Það má eflaust skipta út ávöxtunum á ýmsan hátt fyrir þá sem eiga ekki allt eða vilja bara prófa sig áfram sjálfir. Uppskriftina fann ég í gömlum gömlum bæklingi frá Holta kjúklingi þar sem Nanna Rögnvaldardóttir gaf uppskriftir að ljúffengum hversdagsmat. Ég skipti apríkósum út fyrir þurrkuð trönuber og mæli svo sannarlega með því. Ég gleymdi líka eplunum en það kom ekkert að sök. Það jók á litadýrð salatsins og gaf skemmtilegt bragð á móti mildum appelsínum og vínberjum. Lesa meira

Morgungrautur

morgungrauturNýlega benti Facebook vinur minn á uppskrift að hafragraut sem ekki er soðinn heldur látinn liggja í ísskáp yfir nótt og er þá tilbúinn í morgunmatinn. Þar sem ég get ekki borðað mauksoðinn hafragraut en finnst mjög gott að borða grófari hafra á morgnana varð ég að prófa þetta. Synirnir voru yfir sig hrifnir og nú er öll fjölskyldan á kafi í þessari hollustu. Ég gef hér grófa uppskrift að mínu tilbrigði, prófið ykkur svo áfram með leiðbeiningum í tenglinum hér að ofan. Lesa meira

Melónusalat

MelónusalatVið keyptum loksins grill. Nú er eldavélin komin í pásu og við grillum allt sem okkur dettur í hug. Í gærkvöldi var það bleikja sem fiskmeistarinn í Hafbergi hafði marinerað fyrir okkur og með henni bakaði ég kartöflur og skar niður melónu sem til var í ísskápnum. Mér datt í huga að föndra við ávöxtinn og gúgglaði því melónusalat. Út frá hugmyndum sem þar birtust og því sem til var í búrinu hjá mér bjó ég til þetta frísklega salat sem ég á eflaust eftir að nota oftar. Lesa meira

Mangó salsa

salsaSilli á afmæli í dag og í tilefni þess hafði ég keypt lambalæri – það er auðvelt að gleðja hann Silla minn með lambakjöti. Ég hafði hugsað mér að hafa gott salat með lærinu, átti mangó sem er svo gott í Víði þessa dagana og ætlaði að henda því ofan á grænt salat og fetaost. En svo gleymdi ég að kaupa salat. Hvað var þá til ráða? Jú, að gera mangó salat án salatsins og hér kemur uppskriftin mín að því.

Ég held að þetta salat sé gott með hvaða kjöti sem er, ríkt af ávöxtum og kryddað með vorlauk og kóríander. Lesa meira