Þeytingur með höfrum og berjum

beverage-SmoothieBerryÞeytingur (smoothie) getur verið fljótleg og góð máltíð. Sumarið 2018 fór ég á matarkúr hjá Danette May og lærði þar að setja saman ýmsar gerðir af þeytingum sem ég nota bæði í millimál, morgunverð og í stað heillar máltíðar. Kúrinn var mjög góður, tók jafnt á mataræði, hugarfari og hreyfingu og ég mæli með 30-daga átakinu hennar Danette fyrir alla sem hafa áhuga á að bæta heilsuna. Ég varð til dæmis mun betri í liðamótum sem mig hafði verkjað í og losnaði við aukakíló sem byrjuðu að safnast upp samhliða því að ég er jú orðin miðaldra.

En hvað um það. Þeytinginn sem ég birti hér fann ég á mbl.is. Þetta er fljótlegur og bragðgóður morgunverður og mjög holl samsetning. Lesa meira

Auglýsingar

Sumarsalat með melónum

Matarvefurinn á mbl.is birti nýlega uppskrift að fullkomnu salati til að bæta upp fyrir sólarleysi sumarsins 2018. Það er fljótlegt að setja þetta saman og auðvelt að sveigja til salatblöð, ber og melónutegund ef maður á ekki nákvæmlega það sem stendur í uppskriftinni. Þetta salat er gott eitt og sér með glasi af köldu prosecco. Það er líka gott með lambakjöti, ef þú vilt taka pásu frá kartöflusalatinu og hressa upp á grillsneiðarnar. Lesa meira

Chili con carne

Chili con carneÍ kvöld prófaði ég uppskrift úr Fréttablaðinu sem hefur beðið í kassanum hjá mér af því að ég átti aldrei allt hráefnið í hana. Í miðri eldamennsku þurfti ég meira að segja að skreppa í vínbúðina því allur bjór var búinn í húsinu hjá mér! En þessi kássa er dásamlega matarmikil og bragðgóð. Öðrum syni mínum líkuðu ekki baunirnar í kássunni en hinn hámaði þetta í sig. Ég fann mjög skemmtilegar taco skeljar í Kosti og bar þær fram með kássunni og það var skemmtilegt að borða réttinn með þeim. Upphaflega uppskriftin var með kjúklingi en ég notaði uppskriftina óbreytta nema ég sleppti kryddinu sem ég fann ekki og skipti kjúklingakrafti út fyrir nautakraft. Lesa meira

Kjúklingasalat með ávöxtum

Kjúklingasalat með ávöxtumSilli minn er mikill kjötmaður og finnst ekki merkilegt þegar ég ber fram salat í kvöldmat. En hann var mjög ánægður með þetta salat og kallaði það „besta kjúklingasalat sem ég hef fengið“. Það má eflaust skipta út ávöxtunum á ýmsan hátt fyrir þá sem eiga ekki allt eða vilja bara prófa sig áfram sjálfir. Uppskriftina fann ég í gömlum gömlum bæklingi frá Holta kjúklingi þar sem Nanna Rögnvaldardóttir gaf uppskriftir að ljúffengum hversdagsmat. Ég skipti apríkósum út fyrir þurrkuð trönuber og mæli svo sannarlega með því. Ég gleymdi líka eplunum en það kom ekkert að sök. Það jók á litadýrð salatsins og gaf skemmtilegt bragð á móti mildum appelsínum og vínberjum. Lesa meira

Melónusalat

MelónusalatVið keyptum loksins grill. Nú er eldavélin komin í pásu og við grillum allt sem okkur dettur í hug. Í gærkvöldi var það bleikja sem fiskmeistarinn í Hafbergi hafði marinerað fyrir okkur og með henni bakaði ég kartöflur og skar niður melónu sem til var í ísskápnum. Mér datt í huga að föndra við ávöxtinn og gúgglaði því melónusalat. Út frá hugmyndum sem þar birtust og því sem til var í búrinu hjá mér bjó ég til þetta frísklega salat sem ég á eflaust eftir að nota oftar. Lesa meira