Til að halda tekkinu fínu

2014-11-29 10.22.48Mér finnast tekk húsgögn falleg og það eru góðar ástæður til að halda upp á þau og fara vel með þau. Sjá nánar um tekk plöntuna á Wikipediu.

Ef þú þarft að olíubera tekk húsgagn á heimilinu mæli ég með þessari uppskrift sem Silli fékk hjá reyndum húsgagnamiðlara:

  • 1/4 bolli ólívuolía
  • 3/4 bolli eplaedik

Hrærið vel saman og berið rausnarlega á viðinn. Nuddið vel ofan í, hellið meiri edikblöndu á viðinn og nuddið aftur og aftur þar til þú ert sátt/ur við útlit viðarins.

Þessi edikblanda hreinsar burt glasaför, rispur og annað slit í viðnum. Þú sérð árangurinn ekki alveg strax, leyfðu blöndunni að síga inn í viðinn yfir nótt og sjáðu þá hvort hún dugar. Ef ekki skaltu bara blanda meira og nudda enn meiri blöndu í viðinn.

Dásamleg döðludýfa

Feta-Honey-Date-Spread-09Döðlur, feta ostur og möndlur. Færðu vatn í munninn? Það fæ ég og það er líklega ástæðan fyrir því að ég elska þessa dýfu sem Fréttablaðið gaf uppskrift að fyrir kosningarnar síðasta vor. Reyndar fann ég uppskriftina svo með fínum myndum og nánari leiðbeiningum á enskri síðu líka. Ef maður á töfrasprota eða annars konar „hakkavél“ þá er mjög auðvelt að búa dýfuna til og svo má nýta hana á mjög fjölbreyttan hátt. Ég prófaði t.d. að smyrja henni á norskt flatbrauð (Vestlandslefsa), leggja grillaða pylsu ofan á og rúlla upp – þetta var guðdómlegur smáréttur því reykt pylsan skapaði svo gott mótvægi við sæta dýfuna. Prófið bara sjálf.

Lesa meira

Chili con carne

Chili con carneÍ kvöld prófaði ég uppskrift úr Fréttablaðinu sem hefur beðið í kassanum hjá mér af því að ég átti aldrei allt hráefnið í hana. Í miðri eldamennsku þurfti ég meira að segja að skreppa í vínbúðina því allur bjór var búinn í húsinu hjá mér! En þessi kássa er dásamlega matarmikil og bragðgóð. Öðrum syni mínum líkuðu ekki baunirnar í kássunni en hinn hámaði þetta í sig. Ég fann mjög skemmtilegar taco skeljar í Kosti og bar þær fram með kássunni og það var skemmtilegt að borða réttinn með þeim. Upphaflega uppskriftin var með kjúklingi en ég notaði uppskriftina óbreytta nema ég sleppti kryddinu sem ég fann ekki og skipti kjúklingakrafti út fyrir nautakraft. Lesa meira

Kjúklingasalat með ávöxtum

Kjúklingasalat með ávöxtumSilli minn er mikill kjötmaður og finnst ekki merkilegt þegar ég ber fram salat í kvöldmat. En hann var mjög ánægður með þetta salat og kallaði það „besta kjúklingasalat sem ég hef fengið“. Það má eflaust skipta út ávöxtunum á ýmsan hátt fyrir þá sem eiga ekki allt eða vilja bara prófa sig áfram sjálfir. Uppskriftina fann ég í gömlum gömlum bæklingi frá Holta kjúklingi þar sem Nanna Rögnvaldardóttir gaf uppskriftir að ljúffengum hversdagsmat. Ég skipti apríkósum út fyrir þurrkuð trönuber og mæli svo sannarlega með því. Ég gleymdi líka eplunum en það kom ekkert að sök. Það jók á litadýrð salatsins og gaf skemmtilegt bragð á móti mildum appelsínum og vínberjum. Lesa meira

Morgungrautur

morgungrauturNýlega benti Facebook vinur minn á uppskrift að hafragraut sem ekki er soðinn heldur látinn liggja í ísskáp yfir nótt og er þá tilbúinn í morgunmatinn. Þar sem ég get ekki borðað mauksoðinn hafragraut en finnst mjög gott að borða grófari hafra á morgnana varð ég að prófa þetta. Synirnir voru yfir sig hrifnir og nú er öll fjölskyldan á kafi í þessari hollustu. Ég gef hér grófa uppskrift að mínu tilbrigði, prófið ykkur svo áfram með leiðbeiningum í tenglinum hér að ofan. Lesa meira

Hvítlauksbrauð

garlicbreadStundum er eins og enginn á heimilinu borði brauð, það safnast upp í brauðkassanum og verður of gamalt til að nokkur maður hafi lyst á því. Hvað er þá til ráða? Jú, að gera hvítlauksbrauð sem allir elska. Það er frábært að nýta gamalt brauð til að lífga upp á hversdagslegar máltíðir eins og pasta eða súpu. Og ef maður grillar það fær brauðið ómótstæðilega skorpu.  Lesa meira

Kjúklingapasta með gremolatta

gremolattaHvað er gremolatta? Ég vissi það ekki heldur þegar ég ákvað að prófa uppskrift eftir Nönnu Rögnvaldardóttur sem ég fann í gömlum bæklingi frá Holta kjúklingi. En nú veit ég að gremolatta er kryddblanda og gefur bæði pasta og kjúkling alveg nýjan keim. Ferskri steinselju, hvítlauk og rifnu hýði af sítrónu er blandað samana og dreift yfir matinn áður en hann er borinn fram. Þetta er bæði fallegt og ljúffeng viðbót við venjulega tómat-pastasósu.

Lesa meira