Karamellukakan hennar mömmu Helgu dregur nafn sitt af ljúffengri karamellu sem skreytir þessa þéttu og góðu köku. Karmellan gefur kökunni sætan keim og mjúka áferð. Þetta er gómsæt kaka og í miklu uppáhaldi hjá öllum börnum sem ég þekki. Hún er samt svo sæt að það er best að borða hana bara spari.
Karamellukaka
- 150 gr smjör
- 150 gr sykur
- 3 egg
- 200 gr hveiti
- 1 tsk lyftiduft
- 60 gr súkkulaðispænir
- 1 msk mjólk
Hitið ofninn í 175°C.
Hrærið smjör og sykur saman þar til létt og ljóst. Hrærið eggin út í, eitt í einu. Bætið þurrefnum, súkkulaði og mjólk út í og blandið saman. Setjið deigið kringlótt form með gati í miðjunni og bakið í 60 mínútur. Látið kökuna kólna og búið til karamelluna á meðan.
Karamellubráð
- 1 dl rjómi
- 1 dl mjólk
- 2 dl sykur
- 1 msk smjör
Setjið allt hráefnið saman í pott og hrærið hægt við vægan hita. Karamellan er tilbúin þegar dropi af henni storknar þegar honum er hellt í kalt vatn. Hellið karamellunni yfir kökuna.
Berið á borð og drekkið mjólk eða kaffi með.